標題: 《SMAP X SMAP》 藤原紀香試食咀木村 相隔8年再上 [打印本頁] 作者: rousseau73 時間: 2015-10-7 04:20 PM 標題: 《SMAP X SMAP》 藤原紀香試食咀木村 相隔8年再上
日本長壽節目《SMAP X SMAP》,昨日播出嘅特輯請嚟藤原紀香任試食環節嘉賓,今次係佢相隔8年再做呢個節目。紀香喺問答遊戲環節上,被問到收過最好嘅禮物,佢竟然好肉麻咁話「滿瀉嘅愛。」現時佢正與《半澤直樹》男星片岡愛之助蜜運中,紀香擺明就係曬幸福,之但係佢曾被指搶人男友,搞到佢形象大跌,今次紀香公然曬恩愛,網民就唔多buy,仲踩到盡話佢老咗好多。
而紀香試食期間,一向鍾意扮嘢嘅SMAP成員香取慎吾,就以紀香嘅舞台劇造形亮相,仲胸壓隊友稻垣吾郎,簡直笑爆嘴,不過最終係由木村拓哉同草彅剛一隊勝出,獲得紀香獻吻做獎勵。
呢一集節目仲播出SMAP五子早前各自去到唔同地方鬥快賣便當嘅情況,而SMAP同便利當合作嘅幾款便當,今日開始就喺日本有得賣喇。